Edukira joan

Tolosaldeko Hitza

Tolosaldea eta Leitzaldea
2009ko uztailak 4, Larunbata

Harpidetu zaitez!

Lurjabeek ez dute eman baimenik AHTren inguruko zundaketak egiteko

Hernialde ðð AHTri buruz informazio gehiago nahi dutela zioten zundaketak egiten dituen enpresarekin egindako bileran.

imanol garciA

Hernialdeko zenbait lurjabeek eta AHTren inguruko zundaketa egiten dituen Typsa enpresako ordezkariek bilera egin zuten atzo goizean udaletxean. Bertan, lurjabeek ez zuten baimenik eman zundaketarik egiteko eta AHT proiektuaren inguruan informazio gehiago eskatu zuten. Bilera eta gero, lurjabeek Informazio gehiago, inposaketa gutxiago jartzen zuen kartelekin protesta egin zuten.

Eusko Jaurlaritzatik harremanetan jarri ziren Hernialdeko Udalarekin zundaketekin hasteko asmoa zutela azalduz eta zundaketa horiek egin behar zituzten lurren jabeekin harremanetan jartzeko. Udala lurjabeekin harremanetan jarri zen eta hauek bilerara batera joatea erabaki zuten. Atzo egindako bilera horretan, Typsa enpresakoak baimena eskatzeko asmoarekin azaldu ziren. Zenbat zundaketa egin behar zituzten azaldu eta ordainetan lanean ariko ziren eguneko 60 euro emango zirela azaldu zuten.

Horren aurrean, lurjabeek informazio gehiago eskatu zuten AHT proiektuaren inguruan. Proiektu horrek beraientzat nolako eragina izango zuen eta datu zehatzak ere eskatu zituzten. Typsa enpresako ordezkariek ez zuten horren inguruko informaziorik eman eta bere zeregina zundaketak egitea zela azaldu zuten.

Egoera horren aurrean, lurjabeek baimenik eman aurretik informazio gehiago behar zutela eta horretarako «etorri behar duenak aurpegia eman dezala» esan zuten. Typsa enpresakoek, ikusirik ez zutela zundaketa egiteko baimenik lortuko, bilerari amaiera eman zioten. Aurrera begira ez zen zehaztu zer gertatuko den eta lurjabeek eskatutako informazioa lortuko duten ere zehaztu gabe gelditu zen. Garbi dagoen bakarra da Hernialden ez dutela baimenik eman zundaketak egiteko.

Aurreko zundaketaren ordainketak jaso gabe

Orain lau urte zundaketak egin zituzten Hernialden. Orduan bi lurjabek baimena eman zuten bere lurretan egiteko. Ordainez diru kopuru bat jasoko zutela esan zitzaien, baina oraindik ez dute ezer jaso.

AHT Gelditu! Elkarlanetik azaldu dutenez, «lurjabeei ez ordaintzearena ere errepikatu da. Esaterako, Zizurkilen egin berri diren zundaketen ondoren, lurjabek ere ez dute diru kopururik jaso».

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Tolosa Herria Hedabideak S.L. - Araba etorbidea 5, atzea 20400 - TOLOSA - Tel.: 943 65 56 95
Faxa: 943 65 00 18 - E-posta:

Internet Ehuntzen S.L.-k garatua

Tolosa Herria Hedabideak S.L.ko kideak: Galtzaundi Euskara Taldea
Bertako Hedabideak (EKT)
eta Tolosaldeko Berriak Kultur Elkartea: 77 gizarte eragile.

Lege Informazioa