Laskorain ikastolaren bloga

Eguraldi ederrak lagundurik, egun borobila pasa genuen igandean.
Goizean autobusa bete eta Lizarratik gertu dagoen Etxebarri herriraino joan ginen. Handik, berehala hasi ginen maldan gora, haritzpea hasieran, pagadia ondoren…benetan bide ederra.
Urbasaz gozatuz, Azantzako Haitzara iritsi ginen. Bertan, Lizarrako lagunek aurrez ezarritako plakaren inguruan hemezortzigarren urtez Atarrabia, Gasteiz, Lizarra eta Tolosarrak elkarrekin omendu genituen Argitxo eta Euskaraz Bizi proeiktua.

Ondoren, Larraintzako aterpean hamaiketako ederra eskaini ziguten Nafarroako lagunek. 150 lagun elkartu arren, ez zen jan eta edatekorik falta izan.
Indarrak berritu ondoren, Irantzura abiatu ginen. Bidean, ausartenak errekan bainutxoa ere hartu zuten.
Irantzun berriz, kafea, pastak… eta Kantu bilduma zain genituen.
Boga boga, Baldorba, Aupa gizonak, Euskal Herrian euskaraz…
Laskorain ikastolaren eskutan geratu zen, hurrengo buzoia antolatzeko lekukoa.
Euskararen aldeko konpromezua berrestu genuen bada igandean. Datorren igandean euskararen aldeko bidelagunok, aukera berria izango dugu Iruran antolaturiko kilometroetan. Ondo pasa!