Edukira joan

Tolosaldeko Hitza

Tolosaldea eta Leitzaldea
2008ko urriak 12, Igandea

Harpidetu zaitez!

2008-06-26 | 17:03:26

Kirolak

Alpino Uzturre 112 gailurretan izango da igande honetan

Elkartearen 50. urteurreneko ospakizunen baitan, Gipuzkoako mendi puntuagarri guztietara igoko dira

Igande honetan, ekainak 29, Alpino Uzturre mendi elkartea Gipuzkoako mendi puntuagarri guztietan izango da, elkartearen 50. urteurrena dela eta.

Mendi federazioak argitaratzen duen katalogoan, 112 mendi puntuagarri daude Gipuzkoan. Alpinoko 112 bazkide eta lagun izango dira ekimen honetan partaide, adin guztietakoak, 14 urtetik 86 urtera, batzuk gertuko mendietara (Uzturre, Hernio, Txindoki) joango dira, beste batzuk urrutirago (Aizkorri, Arno, Jaizkibel). Ez dira oso mendi altuak. Eguraldi ona dago iragarrita, beraz, egun polita pasatzeko aukera izango dute. Mendizale bakoitzak elkarteko txartela utziko du egokitu zaion mendiko buzoian, gero beste mendizaleren batek txartel hori jasotzeko eta bere elkartera bidaltzeko, 100 mendien lehiaketan egiten den bezala. Mendi puntan argazki bat ateratzea ere eskatu zaie. Horrelako ekimenak lehen ere egin izan ditu Alpino Uzturrek, baina azken urteotan ez. Orain, 50. urteurrena dela eta, berriro egitea pentsatu dute. Udan ere izango dira Alpinoko aktibitate bereziak: uztailean Pirineotara eta abuztuan Marokoko Atlasera joango dira Alpinoko mendizaleak.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Tolosa Herria Hedabideak S.L. - Araba etorbidea 5, atzea 20400 - TOLOSA - Tel.: 943 65 56 95
Faxa: 943 65 00 18 - E-posta:

Internet Ehuntzen S.L.-k garatua

Tolosa Herria Hedabideak S.L.ko kideak: Galtzaundi Euskara Taldea
Bertako Hedabideak (EKT)
eta Tolosaldeko Berriak Kultur Elkartea: 77 gizarte eragile.

 

Lege Informazioa