Tolosaldeko Hitza

TOLOSA

2008-10-04 | 11:22:30

Bonba batek kalte handiak eragin ditu Epaitegian

Bart, 01:15 inguruan jazo da eztanda

Leherketa gertatu baino 30 minutu lehenago DYAk dei bat jaso du ETAren izenean. Honek "kalte handiak" eragin ditu eraikinean nahiz inguruko etxebizitzetan.

Ez du erantzunik

TOLOSA

2008-10-03 | 15:27:26

Zabalik daude Rondillako aparkalekuak

Asteburu honetan dohainik aparkatu ahal izango da

Gaur eguerdian inauguratu dute Rondilla kalearen amaieran kokatuta dagoen parkinga. Denera 221 autorentzako lekua dago. Hauetatik 117 bertakoentzat dira, eta gainontzeko 104ak, errotaziozkoak. Asteburu honetan, gaurtik hasita, ez da ordaindu beharko. Hala ere, lau orduz bakarrik utzi ahal izango da kotxea bertan, gaur, bihar eta etzi. Honekin, errotazio sistema bultzatu nahi dute.

Erantzun 1

TOLOSA

2008-10-03 | 13:35:24

Zahartzaro duinaren aldeko plataforma: "parte hartzea etengabe ari zaigu ukatzen"

Azken zazpi hilabetetan ez dutela Udaletik eurekin biltzeko asmorik azaldu esan dute

Zahartzaro duinaren aldeko plataformak salatu du ez datorrela bat erakundeetatik zabaltzen den mezua errealitatearekin. Hau da, "herritarren parte-hartzearen mezua ari dira etengabe zabaltzen, baina hori errealitatean ez da gauzatzen". Hori dela eta, eta "nahikoa" itxaron dutela ikusirik, aurrerantzean era zuzen batean parte hartzea erabaki dute.

Ez du erantzunik

LEITZA

2008-10-03 | 09:09:58

Ostiraleroko merkatuan piper erreak

Peraltako saltzaileek merkatuan erretzen dituzte piperrak

Ez du erantzunik

LIZARTZA

2008-10-02 | 14:29:33

Regina Otaolak omenaldia egingo dio ETAk eraildako Ramiro Quinterori

Gaur azaldu du omenaldia egiteo erabakia, erailketaren 30. urteurrenean

30 urte bete dira ETAk Ramiro Quintero guardia zibila izandako basozaina Lizartzan hil zuenetik. Hori dela eta, Regina Otaola Lizartzako alkateak haren omenezko ekitaldia egiteko nahia adierazi du gaur. Oraindik ez du zehaztu zein egunetan izango den, baina, bai hilabete honetan izango dela. Ekitaldia terrorismoaren biktimen elkarteei, herritarrei eta alderdi politikoei irekia izango da. Otaolak adierazi duenez, Ramiro Quinterori justizia egiteko ordua da, eta halaber, gogoratu du legealdiaren hasieran horrelako omenaldiak egiteko konpromezua hartu zuela.

Ez du erantzunik

ANOETA

2008-10-02 | 13:26:22

Anoetako lurjabeek ez dute eman baimenik AHTren inguruko zundaketak egiteko

Bilera izan dute udaletxean Typsa enpresako ordezkariekin

Anoetako lurjabeek gaur goizean bilera izan dute Typsa enpresako ordezkariekin udaletxean. AHT proiektuaren inguruan zundaketak egiteko baimenak eskuratzera joan dira enpresakoak, baina lurjabeek ezezkoa eman diete. AHT proiektuari buruzko informazio gehiago izan arte baimenik ez dutela emango azaldu dute lurjabeek.

Ez du erantzunik

ANOETA

2008-10-01 | 14:14:56

Lehenengo Euskal Jaia antolatuko dute Anoetan urriaren 12an

"Gure nortasuna adierazteaz gain, bertako eta inguruko nekazariei babesa adieraztea" da helburua, antolatzaileek azaldu dutenez

Anoetan urriaren 12an egingo den lehenengo Euskal Jaiaren aurkezpena egin dute. "Erronka garrantzitsu modura hartu dugu Anoetako Udalak eta herriko hainbat eragilek Euskal Jaia antolatzea", azaldu dute. Egun horren helburua "gure nortasuna adierazteaz gain, bertako eta inguruko nekazariei babesa adieraztea da", diote antolatzaileek. Bestalde, deialdia egin dute ektialdietan parte hartzeko. Besteak beste, kalejira, baserritar eta artisauen azoka, herri kirolak haurrentzat, herri bazkaria, Iñaki eta Inaxio Perurena harri-jasotzaileen saioa eta erromeria izango dira.

Ez du erantzunik

AMEZKETA

2008-10-01 | 13:21:52

Ugarteko jaiak antolatu dituzte asteburu honetarako

3tik 5era bitartean iraungo dute Errosarioko amaren jaiek

Harri-jasotzaileak, musika, haurrentzako egitarau aproposa eta lehiaketa interesgarriak izango dira tartean.

Ez du erantzunik